د کابل والي د شیعه علماوو شورا له غړو سره په کتنه کې د هېوادوالو پر مساوي حقونو د ټینګار په ترڅ کې وویل چې د اسلامي امارت په نظام کې قومي، ژبني او مذهبي تعصباتو ته هیڅ ځای نشته او هیچا ته اجازه نه ورکول کیږي چې ددي کار زمینه برابره کړي.

له هرات ولايت نه رارسيدلي خبرونه وايي چې د جبريل په سیمه کی د قره ميلي په لاره کې په درېيو موټر سايکل سپرو نامعلومو کسانو وسله وال بريد کړى چې له امله يې د دوو تنو ديني عالمانو په ګډون څو تنه شهيدان او ټپيان شوي دي.

د بلخ ولایت رسنیز مرکز اعلان کړی چې د دغه ولایت والي نن د بلخ د شیعه علماوو له شورا سره وکتل او ټینګار یې وکړ چې اسلامي امارت د شیعه ګانو حقونو ته پوره پاملرنه کوي.

ځايي سرچینې د اسلامي امارت او مولوي مهدي د ځواکونو ترمنځ د جګړې د پیل خبر ورکوي. خو د جګړې په اړه نور جزیات تر اوسه په لاس کې نشته.

د افغانستان د شیعه عالمانو شورا له خلکو غوښتي چې تر څو بشپړ امنیت نه وي ټینګ شوی، نه تذکرې واخلي او نه د انتخاباتو لپاره نومونه ولیکي.