د خوړو او درملو د ملي ادارې رئیس عبدالباري عمر د درملو له یو شمېر صنعت کارانو سره په کتنه کې د درملو د کیفیت او معیاري کېدو ترڅنګ د کورنیو تولیداتو پر پراختیا ټینګار وکړ او زیاته یې کړه چې په دې برخه کې باید د نړیوالو قوانینو پر بنسټ لا ډېر کار وشي.

سوداګر او صنعتکاران "د افغانستان د داخلي تولیداتو د پیاوړتیا په دیارلسم نړیوال نندارتون د خپلو تولیداتو د معرفي کولو لپاره ګټور بللي؛ خو دوی د خپلو محصولاتو د خرڅلاو لپاره د بازار له نشتوالي شکایت کوي او وايي چې حکومت باید هڅه وکړي تر څو دوي ږکولاي شي خپل تولیدات بهر ته صادر کړي.

د افغانستان د صنایعو او کانونو خونې چارواکي وايي، د دوی لویه ستونزه په صنعتي پارکونو کې د کافي برېښنا نشتوالی دی. دوی زیاتوي چې صنعتکاران «د اقتصادي ډګر مجاهدین» دي.

په کابل کې د نوي پسرلني نړیوال نندارتون د پرانستلو پر مهال د اسلامي امارت د اقتصادي چارو مرستیال وزیر صرافانو او سوداګرو ته د امنیت ډاډ ورکړ او له هغوی یې وغوښتل چې خپل کار پیل او خلکو ته با کیفیته محصولات وړاندې کړي.