په پنجشیر ولایت کې د اسلامي امارت سیمه ییز چارواکي وايي، د پنجشیر په پیریان ولسوالۍ کې د صنعتي پارک د جوړولو کار روان دی.

په کندهار ولایت کې د څه باندې پنځوس میلیونه افغانیو په لګښت د پنبې د پروسس یوه کارخونه جوړه شوه. په همدې حال کې د کندهاري فابریکو خاوندان وايي، د برېښنا ستونزه لا هم د کندهار په صنعتي پارکونو کې د دوی لویه ستونزه ده.

د "امام ابوحنیفه" ملي او نړیوال نندارتون کې د هېواد سوداګر او پانګوال له بهر څخه و افغانستان ته د تولیداتو د واردولو پر مخنیوي د ټینګار ترڅنګ وايي، چې د دوی لویه ستونزه په صنعتي پارکونو کې د ۲۴ ساعته برېښنا نشتوالی دی.

د کابل په صنعتي پارک کې د اور د کنټرول او مخنیوي په موخه د اسلامي امارت د پېښو او اور وژنې ادارې مسؤلینو د افغانستان د سوداګرۍ او صنایعو خونې سره په همغږۍ په دغه سیمه کې د اور وژنې مرکز فعال کړ.