د طبیعي پېښو پر وړاندې د مبارزې وزارت ویاند وايي، په هرات ولایت کې د پرونۍ زلزلې له امله د مړو شمېر ۲۰۵۳ تنو ته رسېدلی او ۱۲۴۰ نور ټپیان شوي دي.

د طبیعي پېښو پر وړاندې د مبارزې وزارت چارواکي وايي، د روان کال له پیل راهیسې په هېواد کې د بېلابېلو طبیعي پېښو له امله ۱۵۱ کسان وژل شوي او ۲۲۵ نور ټپیان شوي دي.

د اسلامي امارت د طبعي پېښو پر وړاندې د مبارزې وزارت وايي، په هېواد کې په وروستیو ورځو کې طبیعي پېښو ۶ تنه وژلي او ۸ نور یې ټپیان کړي دي.

د طبیعي پېښو پر وړاندې د مبارزې وزارت ویاند وايي، په تېره یوه میاشت کې د هېواد په یو شمېر ولایتونو کې د سېلابونو او سختو بارانونو له امله ۴۲ تنه مړه شوي دي.

په کونړ ولايت کې له طبيعي پېښو سره د مبارزې رياست چارواکي وايي، چې د ناروې د کډوالو نړيوالې شورا په دغه ولايت کې د زلزلې او سېلاب ځپلو لپاره د ۱۹ ميليونه امريکايي ډالرو په ارزښت د استوګنې يوه ځای جوړوي.

د ملګرو ملتونو د بشردوستانه چارو د همغږۍ دفتر (OCHA) ویلي چې افغانستان له درېیو کلونو وچکالۍ، دوه کاله له سختو اقتصادي ستونزو، د لسیزو جګړو او طبیعي پېښو له پایلو سره مخ دی.

د طبیعي پېښو پر وړاندې د مبارزې وزارت وايي، د هېواد په ۲۳ ولایتونو کې د وروستیو سیلابونو له امله ۹ تنه مړه او ۷۴ نور ټپیان شوي دي.

د طبیعي پېښو پر وړاندې د مبارزې وزارت ویاند شفیع الله رحیمي وايي، په تېره یوه اوونۍ کې په هېواد کې د طبیعي پېښو (زلزلې، واورو او بارانونو) له امله لږ تر لږه ۸۰ کسان وژل شوي یا ټپیان شوي دي.

د طبیعي پېښو پر وړاندې د مبارزې وزارت چارواکي دې ته په اشارې سره چې سږ کال په هېواد کې د طبیعي پېښو له امله تر زرو ډېر کسان مړه شوي، زیاته کړه چې دا مهال د افغانستان ۲۲ ولایتونه د طبیعي پېښو له ګواښ سره مخ دي.

د ملګرو ملتونو د بشري چارو د همغږۍ دفتر (OCHA) وايي، په روان ژمي کې یې په افغانستان کې له ۵۶۵۷۰۰ کسانو سره بشري مرستې کړې دي.

د اسلامي امارت له طبیعي پیښو سره د مبارزې وزارت د معلوماتو له مخې، په وروستیو ورځو کې د سختې یخنۍ له امله لږ تر لږه ۷۰ تنه مړه او ۷۰ زره څاروي له منځه تللي دي.

په راتلونکي ژمي کې د بیړنیو حالاتو په اړه پرون چهارشنبه په هرات ولایت کې غونډه جوړه شوه چې په کې د هرات والي، د دولتي ادارو او غیر دولتي ادارو مسوولینو ګډون کړی و. په دې غونډه کې هغه پروګرام چې له طبيعي پيښو سره د مبارزې د رياست د بيړنيو حالاتو د کميټې له خوا چمتو شوى و؛ په دې غونډه کې تصويب شو.

د اسلامي امارت ویاند اعلان کړی چې د موقت حکومت د رئیس الوزرا سیاسي مرستیال مولوي عبدالکبیر او د افغانستان لپاره د اروپايي اتحادیې له شارژدافیر اغلې رفایله ایوبیه سره یې وکتل. په دې کتنه کې مولوي عبدالکبیر سرپرست حکومت ټول شموله وباله او ویې ویل چې تر اوسه د پخواني حکومت ۴۱۴ سیاسي شخصیتونه افغانستان ته راستانه شوي دي.

د اسلامي امارت له طبيعي پېښو سره د مبارزې وزارت د وياند په وينا، په هېواد کې د وروستيو سيلابونو له امله د وژل شويو کسانو شمېر ۱۹۴ تنو ته رسېدلی دی.

د لوګر ولایت اوسېدونکي وايي، چې په دغه ولایت کې له سختو بارانونو وروسته په خوښۍ ولسوالۍ کې ویجاړوونکی سېلاب راغلی او لسګونه کورونه یې ویجاړ کړي دي.

د تخار ځايي چارواکي وايي، د دغه ولايت په شپږو ولسواليو کې سېلابونو لسګونه کورونه او سلګونه جريبه کرنيزه ځمکه ويجاړه کړې او زيانمنې شوې کورنۍ د بېړنيو مرستو غوښتنه کوي.