د کانونو او پټرولیم وزارت چارواکي وايي، په لوګر ولایت کې د عینک د مسو کان د پروژې د پیل پر وړاندې د پرتو خنډونو د لرې کولو لپاره له یوه چینايي شرکت سره خبرې کوي او که خنډونه لرې شي، ددغه کان د استخراج کار به شروع شي.

د اسلامي امارت د رئیس الوزرا د دفتر اقتصادي مرستیال ملا عبدالغني برادر د چین د MCC شرکت چې د عینک د مسو کان قرارداد لري د اجراییه ریاست له مرستیال سره وکتل. په دې غونډه کې ملا برادر د دې اقتصادي پروژې د پیل لپاره د اسلامي امارت چمتووالی اعلان کړ.