د کورنیو چارو وزارت سرپرست سراج الدین حقاني په افغانستان کې د ملګرو ملتونو د سرمنشي له ځانګړي استازي مارکس پوتزل سره په کتنه کې پر ښځو محدودیتونو ته په اشارې سره وویل چې د دې هڅې هدف د یوې معقولې او دایمي حل لارې موندل دي.

د رئیس الوزرا اداري مرستيال عبدالسلام حنفي دملګرو ملتونو له هيئت سره په کتنه کې څرګنده کړه چې نړيواله ټولنه بايد دافغانانو اصولو او عنعناتو ته درناوى وکړي او ويې ويل: اسلامي امارت دښه شرايطو رامنځته کولو ته ژمن دى.

د افغانستان او پاکستان لپاره د جرمني ځانګړى استازى وايي، په قطر کې «بين‌الافغاني» غونډه د ښکېلو لوريو ترمنځ د اعتماد جوړونې مرحله وه.