واشنګټن اعلان کړی چې د اوکرایین پوځ ته به د ۱،۱ میلیارد ډالرو په ارزښت د وسلو او پوځي تجهیزاتو یوه نوې بسته ولېږي.

سکاټ ګوټلیب، د متحده ایالاتو د خوړو او درملو د ادارې پخوانی رئیس وویل: "د مونکی پوکس ناروغي به د متحده ایالاتو د عامې روغتیا راتلونکی ناکامي وي."

ځینې سرچینې راپور ورکوي چې د متحده ایالاتو او اسلامي امارت مشران د مرکزي بانک منجمد زیرمو د خلاصون په اړه بحث کوي. دا زیرمې باید په هیواد کې د فقر او لوږې د کنټرول لپاره د یوه خپلواک مالي صندوق په جوړولو سره وکارول شي.

د روسیې په تیلو باندې د اروپایی هیوادونو د ډیر انحصار له امله، واشنګټن اړ شو چې د مسکو د انرژۍ صادراتو ته د پیسو ورکولو معافیت د روان کال د دسمبر تر پنځمې پورې وغځوی.

د یوې امریکايي رسنۍ د راپور له مخې، د سپټمبر د یوولسمې د بریدونو د قربانیانو یو شمېر کورنیو په دې خبرې ټینګار سره چې د افغانستان د پیسو زیرمې زموږ حق نه دی، د بایډن له حکومت څخه وغوښتل چې د افغانستان د مرکزي بانک کنګل شوې شتمنۍ دې خوشې کړي.

دحزب الله غورځنګ د اجرایوي شورا مشر ټینګار وکړ امریکایانو دحزب الله په نښه کولو لپاره په لبنان باندې محاصره او بندیزونه زیات کړل او په دې لړ کښې یې له ۱۹۸۰ کال څخه تر نن ورځې پورې پر لبنان باندې سختې نیوکې کړې.