د بلخ ولايت د امنيې قوماندانۍ وياند وايي، د دغه ولايت پوليسو په تېرو درېيو مياشتو کې په مزارشريف ښار کې د بېلابېلو جرمونو په تړاو ۲۰۲ کسان نيولي او عدلي او قضايي ارګانونو ته يې سپارلي دي. نوموړي ښاريانو ته ډاډ ورکړ، چې د قانون په پلي کېدو سره به نظم او امنيت ښه شي او وسله والې غلاوې به زياتې نه شي.

د بلخ د امنيه قوماندانۍ چارواکي وايي، د يوې ناقانونه ډلې هغه غړي يې نيولي، چې د پوليسو له نوم څخه يې ناوړه ګټه پورته کوله او په زوره يې د خلکو کورونو ته ننوتل.

د کندهار د استيناف محکمې د اعلاميې پر بنسټ، نن (سه شنبه، جدی ٢٧) په احمدشاهي لوبغالي کې د وسايطو د غلا په جرم ٩ تنو مجرمینو ته جزا ورکول شو.

د هېواد پخواني لوی څارنوال د یوې مرکې په ترڅ کې د اشرف غني په حکومت کې پراخ فساد په ډاګه کړ. د هغه په ​​وينا، ولسمشرۍ ماڼۍ د اسلامي امارت د ځواکونو د خوشې کولو په پلمه شاوخوا ۷۰۰ ډېر خطرناک مجرمين خوشې کړي وو.

د اسلامي امارت مشر ملا هبت الله آخندزاده د هیواد له یو شمیر قاضیانو سره په کتنه کې وویل چې د غلو، اختطافګرو او فتنه ګرو دوسیې دې په دقت سره وڅیړي او شرعي احکام دې پلي کړي.