د افغانستان د اسلامي امارت مشر ملا هبت الله اخندزاده د کندهار، کابل، کاپیسا، بغلان، فاریاب، خوست او ننګرهار ولایتونو له ګڼو علماوو او همدارنګه د ملي دفاع د کورنیو چارو، بهرنیو چارو او معلوماتي ټکنالوژۍ مخابراتو وزارتونو له رئیسانو سره کتلي او خبرې اترې کړي دي. 

د ملي دفاع وزارت سرپرست په متحده عربي اماراتو کې د افغانستان لپاره د امریکا له ځانګړي استازي سره وکتل. په دې کتنه کې داسلامي امارت ددفاع وزیر د افغانستان لپاره د امریکا له استازي سره د دغه هیواد په مسایلو خبرې وکړې.

متحده عربي اماراتو ته د ملي دفاع د سرپرست وزیر له سفر وروسته د سیاسي چارو کارپوهان وايي چې د سیمې او نړۍ هېوادونو ته د اسلامي امارت د چارواکو سفر به د نړۍ له هېوادونو سره د افغانستان اړیکې لا پیاوړې کړي. ځکه چې د هېوادونو مشران کولای شي په اسانۍ سره د لیدنې له لارې خپلې ستونزې حل کړي.

د اسلامي امارت د دفاع وزارت اعلان کړی چې د دغه وزارت د سرپرست مولوي محمد یعقوب مجاهد سفر پرون شنبه د قوس ۱۲مه متحده عربي اماراتو ته شوی ده.

په داسي حال کي چي د تخار په ولسوالیو کې د هوايي بریدونو خبرونه ورکول کېږي، د دې ولایت سیمه ییز چارواکي وايي، بې پیلوټه الوتکې ګزمې کوي؛ خو هیڅ ځای نه دی په نښه کړی.

د افغانستان په خلاف د پاکستان له آسمان څخه د امریکا د بې پیلوټه الوتکو د کارونې په اړه د اسلامي امارت د دفاع وزارت سرپرست ملا یعقوب له څرګندونو وروسته، د دغه هیواد د بهرنیو چارو وزارت د افغانستان ادعا بې اساسه او له نړیوالو سره په ټکر کې بولي.

د ملي دفاع وزارت سرپرست ملا محمد یعقوب مجاهد د هېواد په هوايي حریم کې د بې پیلوټه الوتکو ګزمې ته په اشارې سره وايي، امریکايي بې پیلوټه الوتکو د پاکستان له لارې پر افغانستان یرغل ته دوام ورکړی دی. هغه دا هم وویل چې په افغانستان کې د الظواهري وژنه تر اوسه ثابته شوې نه ده او یو "ادعا" پاتې دی.

د ملي دفاع وزارت سرپرست په خپلو وروستیو څرګندونو کې د اساسي قانون د جوړېدو خبره وکړه او دا یې د هېواد یوه جدي اړتیا وبلله.