د کابل په لوېدیځ کې د کاج په ښوونځې د تېرې جمعې په ورځ (میزان ٨) تر خونړۍ چاودنې وروسته په قطر کې د اسلامي امارت سیاسي ویاند نعیم وردګ په یوه ټوېټ کې لیکلي: د سولې او امن دښمنان له ټولو خواوو ځپل شوي او اوس مجبور دی چې دوی خپل بریدونه په غونډو، جوماتونو او ښوونځیو کی متمرکز کړي دي.

په افغانستان کې د ترهګرو ډلو د پراخ فعالیت په اړه د پاکستان د لومړي وزیر شهباز شریف له وروستیو څرګندونو وروسته، په قطر کې د اسلامي امارت سیاسي ویاند د دغه پاکستاني چارواکي خبرې غیر مسؤلانه وبللې.

په قطر کې د اسلامي امارت د سیاسي دفتر ویاند نعیم وردګ په کابل کې د سراي شهزاده د صرافانو پروني مظاهره د امریکا د ولسمشر د وروستیو څرګندونو او د هیواد په خاوره د تیري په اړه د خلکو د کرکې د اوج په توګه یاده کړه.

سره له دې چې په افغانستان کې تر شپږم ټولګي پورې د نجونو د ښوونځیو تړل په ملي او نړیواله کچه جنجال بلل شوی، خو د اسلامي امارت مسؤلین وايي چې د ښوونځیو د بیا پرانستلو لپاره پر یوې مؤثرې او معقولې لارې خبرې روانې دي او دا ستونزه به ژر حل شي.

د امریکا د ولسمشر جوبایډن له ادعا وروسته چې د القاعدې مشر ایمن الظواهري په کابل کې د بې پیلوټه الوتکې په برید کې وژل شوی، اوس د دې پېښې ښکاره او پټې زاویې په ټولنیزو شبکو کې د چارواکو له بېلابېلو روایتونو سره انعکاس شوې دي.