د پاکستان د بهرنیو چارو وزیر جلیل عباس جیلاني په افغانستان کې د ملګرو ملتونو د عمومي منشي له ځانګړې استازې او د یوناما له مشرې روزا اوتونبایوا سره په لیدنه کې ویلي، چې پاکستان د افغانستان د سولې په اړه له نړیوالې ټولنې سره همکارۍ ته ژمن دی.

بلومبرګ په دې وروستیو کې راپور ورکړی چې افغانستان ته د نړیوالې ټولنې له خوا د میلیاردونو ډالرو بشري مرستو راتګ او له ګاونډیو هېوادونو سره د سوداګرۍ زیاتوالي د بهرنیو اسعارو په ځانګړې توګه د ډالرو پر وړاندې د افغانیو د بیې د ثبات په ساتلو کې مرسته کړې ده.

د افغانستان مرکزي بانک اعلان وکړ، چې افغانستان ته د ۴۰ میلیونو ډالرو د بشري مرستو یوه بسته را رسېدلې او د کابل په یوه سوداګریز بانک کې زیرمه شوې ده.

د افغانستان مرکزي بانک اعلان وکړ، چې د نړیوالې ټولنې د بشري مرستو په دوام، د ۴۰ میلیونو ډالرو یوه بله بسته کابل ته را رسېدلې او په یوه سوداګریز بانک کې زیرمه شوې ده.

د اسلامي امارت د کورنیو چارو وزیر سراج الدین حقاني وايي، اسلامي امارت له نړیوالې ټولنې سره پر خپلو ژمنو عمل کوي او دا خبره یې په عمل کې ثابته کړې، نو له همدې امله د نړۍ له هېوادونو سره مشروع تعامل غواړي.

په دې غونډه کې چې د افغانستان په اړه د اسلامي هېوادونو د همکارۍ سازمان په کوربه توب جوړه شوې وه، ګډونوالو په افغانستان کې د وضعیت د خرابېدو په اړه خبرداری ورکړ او د خلکو د ژوند د ښه والي لپاره یې د نړیوالې ټولنې د پراختیايي مرستو پر دوام ټینګار وکړ. دغو ګډونوالو هم د ښځو د زده کړو او کار د ځنډولو په اړه د اسلامي امارت پرېکړه له اسلامي احکامو څخه سرغړونه ...

د هېواد مرکزي بانک د یوې اعلامیې په خپرولو سره له افغانستان سره د بشري مرستو ځنډول رد کړي او هغه یې ناسم بللي دي.

د افغانستان لپاره د ملګرو ملتونو د ځانګړي استازي مرستیال مارکس پوتزل د لومړي وزیر د دفتر له سیاسي مرستیال عبدالکبیر سره په لیدنه کې ویلي، چې ملګري ملتونه د افغانانو دین او کلتور ته درناوی لري، خو د افغانستان له روان وضعیت څخه راضي نه دي. اسلامي امارت باید په دې هیواد کې د ښځو د تعلیم او کار او ټول شموله حکومتولۍ په اړه د نړیوالې ټولنې غوښتنې ومني.

د طالبانو له بیا واکمنۍ وروسته افغانستان ته د مرستو رسولو له پیل راهیسې، دغه هېواد ته نږدې دوه میلیارده ډالره بشري مرستې ورکړل شوې دي.

د هېواد مرکزي بانک له افغانستان سره د ۴۰ میلیونو ډالرو په ارزښت د نورو نغدو مرستو بسته اعلان کړه.

په افغانستان کې د ملګرو ملتونو د ماموریت مرستیال مارکس پوتزل خبرداری ورکړی چې افغانستان ته د نړیوالو پام په کمېدو دی او دریځونه سختېږي.

د مسکو د مشورتي ناستې په څنډه کې په روسیه کې د سعودي عربستان سفیر له افغانستان سره د نړیوالې ټولنې د مرستو غوښتنه وکړه. ده د هېواد د اوسنيو شرايطو په سخت بيانولو سره د دغو شرايطو د پايلو په کمولو کې د افغانستان د ګاونډيو هېوادونو د مرکزي رول قدرداني وکړه.

په ملګرو ملتونو کې د چین دایمي استازي له نړیوالې ټولنې وغوښتل چې له افغانستان سره هر اړخیزه مرسته وکړي. نوموړي دغه راز د لويديځ او امريکا له خوا د افغانستان د شتمنیو د خلاصون غوښتنه وکړه او دغه هېواد ته يې د بشري مرستو پر سياسي کولو نيوکه وکړه.

د ملګرو ملتونو د بشري چارو د همغږۍ دفتر "اوچا" د یوه راپور په خپرولو سره په هېواد کې ناوړه اقتصادي وضعیت ته په اشارې سره له افغانستان سره د نړیوالې ټولنې د مرستو د دوام غوښتنه کړې ده. دغې ادارې په راتلونکي ژمي کې له بې وزلۍ او لوږې سره د مبارزې لپاره د ۶۱۴ میلیونه ډالرو مرستې غوښتنه کړې ده.

د پاکستان حکومت له نړیوالې ټولنې غوښتي چې په وروستیو سېلابونو کې د دغه هېواد له خلکو سره نورې مرستې هم وکړي.

د افغانستان په چارو کښې د ایران د ولسمشر ځانګړی استازی له ایسنا خبری اژانس سره په یوه ځانګړې مرکه کښې له دغه هیواد سره د نړیوالې ټولنې تعامل له افغانستان سره د مرستې لاره وبلله او ویې ویل د ایران د حکومت د نه پیژندلو له امله له افغانستان سره د ایران د تعامل نشتوالی دی. اسلامي امارت تروريزم لا پياوړی کړی او حرکت يې د دغه هيواد د پولو په لور روان دی.

د هېواد مرکزي بانک وايي، له افغانستان سره د نړیوالې ټولنې د نغدي مرستو په دوام کې نن کابل ته ۴۰ میلیونه ډالره نور هم رسېدلي دي. په دې توګه به په افغانستان کې د اسلامي امارت له واکمنۍ وروسته د دغو مرستو مجموعي اندازه ۱ میلیارد ۳۳ میلیونه ډالرو ته ورسیږي.

د شانګهای د همکارۍ سازمان سرمنشي ژانګ مینګ د پاکستان د بهرنیو چارو له وزیر سره په کتنه کې په افغانستان کې روانو ستونزو ته په اشارې سره له اسلامي امارت وغوښتل چې په بېلابېلو مسایلو کې د نړیوالې ټولنې اندېښنو ته رسیدګي وکړي.