رسنیو خبر ورکړی، چې افغانستان او پاکستان د دواړو هېوادونو ترمنځ د سوداګریزو اړیکو د پراختیا په موخه د سپین بولدک پر پوله د بار وړونکو موټرو د تګ راتګ پر مخ یوه غیر رسمي دروازه پرانیستې ده.

له ازبکستان سره د ستونزو د هواري په موخه د اورګاډي د ادارې چارواکي وايي، په تېرو دوو ورځو کې د ازبکستان د اورګاډي کرښې له لارې د سوداګرو ۷۱۴ واګون مالونه حيرتان بندر ته وارد شوي، چې دا په تېرو دوو ورځو کې د وارداتو بې ساري زیاتوالی ښيي.

یو شمېر کابل ښاریان وايي، چې د پیازو بیې درې برابره لوړې شوې او خلک یې له ستونزو سره مخ کړي، خو د سوداګرۍ او صنایعو وزارت ډاډ ورکوي، چې د دې ستونزې د هواري لپاره له منځنۍ اسیا هېوادونو څخه د پیازو د واردولو هڅې روانې دي.

د "امام ابوحنیفه" ملي او نړیوال نندارتون کې د هېواد سوداګر او پانګوال له بهر څخه و افغانستان ته د تولیداتو د واردولو پر مخنیوي د ټینګار ترڅنګ وايي، چې د دوی لویه ستونزه په صنعتي پارکونو کې د ۲۴ ساعته برېښنا نشتوالی دی.

د هلمند د اطلاعاتو او کلتور ریاست په یوه ټویټ کي لیکلي چي د هرات – کندهار پر لویه لار ۵۰ هغه لارۍ نیولي، چې "پاکستان ته په قاچاقي ډول غنم لېږدول".