په اسلام اباد کې د افغانستان د سفارت مشر د پاکستان په پېښور ښار کې د زرګونو افغان کډوالو د راجستر کولو د ځنډ له امله د ملګرو ملتونو د کډوالو د عالي کمېشنرۍ پر بې غورۍ نیوکه وکړه او ویې ویل، په داسې حال کې چې اته زره افغان کډوال د خپلو ستونزو د هواري په تمه دي. د دې دفتر کار "بې ساري" دی.

د اسلامي امارت د بهرنیو چارو وزارت اعلان کړی چې د پاکستان د سند ایالت په زندانونو کې بندي ۶۶ تنه افغان اتباع خوشي شوي دي، خو په کراچۍ کې د افغانستان د سفارت قونسل جنرال له پاکستانه غوښتي چې د افغان کډوالو د نیولو مخه ونیسي.

په اسلام آباد کې د افغانستان سفارت ویلي، چې د کراچۍ له زندانه د ښځو او ماشومانو په ګډون ۱۳۷ افغانان خوشي شوي دي.

د تورخم دروازه له نن سهار راهیسې په بشپړه توګه پرانیستل شوې او د لارې دواړو غاړو ته مسافر او سوداګریز موټر په عادي ډول تګ راتګ کوي.

په اسلام آباد کې د افغانستان سفارت اعلان کړی چې پرون د پاکستان د سند صوبې له زندانونو څخه ۱۲۰ تنه افغان اتباع خوشې شوي.

د کندهار په سپین بولدک او د پکتیا ولایت د ډنډ پټان ولسوالۍ په مربوطاتو کې د اسلامي امارت د سرحدي ځواکونو او پاکستاني پوله ساتو ځواکونو تر منځ له وروستیو نښتو وروسته په پاکستان کې د افغانستان د سفارت شارژدافیر وايي، چې اوس به پر ټولو پولو بندیز ولګول شي او د دواړو غاړو ترمنځ ستونزې به د "سرحدونو د ستونزو د هواري کمیټې" لخوا وڅیړل شي.

په اسلام اباد کې د افغانستان سفارت د اعلامیې له مخې د دغه سفارت د هڅو په پایله کې شاوخوا څلویښت هغه اتباع چې رسمي اسناد یې نه درلودل او د پاکستان د کراچۍ ښار د پولیسو له خوا نیول شوي وو، خوشې شوي دي.