اې ایف پي خبري آژانس د پاکستاني روغتیايي چارواکو په حواله ویلي چې د خیبر پښتونخوا په مرکز پېښور کې پر یوه جومات د برید له امله د وژل شویو شمېر ۸۳ تنو ته رسېدلی او ۱۵۰ نور ټپیان شوي دي.

د اسلامي امارت د دفاع وزارت وايي، په افغانستان کې د پاکستاني طالبانو د حضور او په افغانستان کې د دغه هېواد د احتمالي برید په اړه د پاکستان د کورنیو چارو د وزیر وروستۍ څرګندونې پاروونکي او بې اساسه دي.

د پاکستان د کورنیو چارو وزیر د دغه هېواد له رسنیو سره په مرکه کې له اسلامي امارت غوښتي، چې په افغانستان کې د تحریک طالبان پاکستان (TTP) پناهځایونه له منځه یوسي.

د سیاسي چارو کارپوهان وايي، چې افغانستان ته د حنا رباني په مشرۍ د پاکستان د بهرنیو چارو د وزارت د پلاوي سفر تر ډېره یوه ننداره ده. ځکه چې په پاکستان کې اصلي تصمیم نیونکی د هغه هیواد پوځ دی، نه ملکي حکومت، نو د دوی د ټیم مشري یې یوه ښځه وکړه، څو طالبان پوه کړي چې په اسلامي امارت کې باید ښځو ته ونډه ورکړل شي.

د پاکستان د کابینې د بهرنیو چارو وزیرحنا رباني کهر نن سهار د یوه لوړ پوړي پلاوي په مشرۍ د اسلامي امارت له چارواکو سره د خبرو په موخه کابل ته راغله.

پاکستاني طالبانو د یوې اعلامیې په خپرولو سره د پاکستان د حکومت له خوا د اوربند په سرغړونې نیوکه کړې ده او خپلو وسله والو ته امر کړی چې په پاکستان کې د حکومت پر ضد خپل عملیات پیل کړي.

یوې پاکستانۍ ورځپاڼې د افغانستان د اسلامي امارت د چارواکو له خولې ویلي، چې د تحریک طالبان پاکستان یو جګپوړی قوماندان عمر خالد خراساني په پکتیکا کې وژل شوی دی.

د پاکستاني دیني عالمانو یو پلاوی افغانستان ته راغلی چې د پاکستان د امنیتي چارواکو او د تحریک طالبان پاکستان ترمنځ خبرې بیا پیل کړي.

تحریک طالبان پاکستان حکومت ته ګواښ کړی چې که سوله ونه شي او خبرې اترې ناکامې شي نو له امنیتي ځواکونو سره به جګړې ته دوام ورکړي.