د مزار شریف ښاریان په بلخ کې د اسلامي امارت له چارواکو څخه امنیتي ځواکونو ته د یونیفورم د ویش غوښتنه کوي او وايي چې وسله وال غله د اسلامي امارت د ځواکونو له نوم څخه ناوړه ګټه پورته کوي. په همدې حال کې د دې ولایت امنیتي چارواکي وايي چې په نږدې راتلونکي کې به سرتېرو ته یونیفورم وویشل شي.

د "اسلامي امارت" د کورنیو چارو وزارت مرستیال څرګنده کړه، چې په تېرو څو میاشتو کې د پولیسو د تنظیم د ښه والي لپاره ډېر کارونه شوي او اعلان یې وکړ، چې د پولیسو نوی یونیفورم به د پولیسو د رهبرۍ په رضایت ترتیب شي.