د کرنې، اوبولګولو او مالدارۍ سرپرست وزیر عطاالله عمري د عینک لوګر د مسو کان کیندنې شرکت (MCC) له مشر خی شاپینګ سره په لیدنه کې د عینک لوګر د مسو کان، د بامیان ولایت د حاجي ګک کان د شاوخوا ځمکو د استملاک په اړه خبرې وکړې.

د لوګر د مس عینک په کان کې د ځینو ستونزو د شتون په اړه د چینایي شرکت "ایم سي سي" له شکایت وروسته د کانونو او پټرولیم وزارت چارواکي وايي، چې ډېر ژر به دغه ستونزې هوارې او د "مس عینک" کان د استخراج چارې به عملي شي.

د اسلامي امارت د رئیس الوزرا د دفتر اقتصادي مرستیال ملا عبدالغني برادر د چین د MCC شرکت چې د عینک د مسو کان قرارداد لري د اجراییه ریاست له مرستیال سره وکتل. په دې غونډه کې ملا برادر د دې اقتصادي پروژې د پیل لپاره د اسلامي امارت چمتووالی اعلان کړ.

د اسلامي امارت د ادارې عمومي ریاست په یوه ټویټ کې لیکلي چې د « وان یس تایناز» په نوم یوه چینايي کمپنۍ د افغانستان د کانونو استخراج ته چمتووالی ښودلی دی.