د اسلامي امارت ویاند ذبیح الله مجاهد د کابل په ختیځ کې د داعش پر یوه پټنځای د امنیتي ځواکونو د عملیاتو په اړه خبر ورکوي او وايي چې په دې عملیاتو کې د داعش دوه غړي نیول شوي او د برید کوونکو په ګډون ۶ تنه وژل شوي دي. د کج ښوونځی

د اسلامي هېوادونو د همکارۍ سازمان د افغانستان د کورنیو چارو وزارت ته څېرمه پر یوه جومات وروستی برید او همدارنګه د کابل په لویدیځ کې پر یوه ښوونیز مرکز برید غندلی دی.

د کورنیو چارو وزارت وايي، د دغه وزارت مرستیال د یوه پلاوي په مشرۍ د کاج پر ښوونځي د تروریستي برید د قربانیانو له کورنیو سره وکتل او هغوی ته یې د ۲.۵ میلیونه افغانیو مرسته وکړه.

د کابل په لوېدیځ کې د کاج په ښوونځې د تېرې جمعې په ورځ (میزان ٨) تر خونړۍ چاودنې وروسته په قطر کې د اسلامي امارت سیاسي ویاند نعیم وردګ په یوه ټوېټ کې لیکلي: د سولې او امن دښمنان له ټولو خواوو ځپل شوي او اوس مجبور دی چې دوی خپل بریدونه په غونډو، جوماتونو او ښوونځیو کی متمرکز کړي دي.

د افغانستان په چارو کې د ایران د ولسمشر ځانګړي استازي د اسلامي امارت چارواکو ته په ټیلیفوني خبرو کې د کابل په لویدیځ کې د نننۍ چاودنې له قربانیانو سره د مرستې لپاره د تهران د چمتووالي خبر ورکړ.

د اسلامي امارت ویاند ذبیح الله مجاهد نن سهار د کاج پر ښوونیز مرکز برید چې له امله یې لږ تر لږه ۱۹ تنه شهیدان او ۲۷ تنه ټپیان شول یو لوی وحشت بللی او په کلکه یې غندي.