په کابل کې د ایران د اسلامي جمهوریت ځانګړي استازي او د سفارت مشر حسن کاظمي قمي له پخواني ولسمشر حامد کرزي سره وکتل. ويل کيږي چې په دې کتنه کې دواړو لورو د دواړو هېوادونو ترمنځ د اړيکو د پياوړتيا او پراختيا، له افغانستان سره د ايران د اسلامي جمهوريت د رول او همکاريو په باب خبرې اترې او د نظريو تبادله وکړه.

د افغانستان لپاره د ایران سفیر او ځانګړي استازي حسن کاظمي قمي د یوناما د دفتر له مشري سره په کتنه کې له ملګرو ملتونو وغوښتل چې د ایران د اسلامي جمهوریت له ټولو ظرفیتونو څخه د افغانستان له خلکو سره د مرستې لپاره کار واخلي.