د ایران د خراسان ولایت د رضوي ولایت د تایباد ښار سیمه ییزو چارواکو اعلان کړی، چې سږ کال ۶۷ زره ټنه کرنیز محصولات د دوغارون بندر له لارې افغانستان ته صادر شوي دي.

د ملګرو ملتونو پراختیايي پروګرام (UNDP) په یوه راپور کې چې سرلیک یې دی "دوه کلن بیاکتنه؛ د افغانستان په اقتصاد، کورنیو او متقابلو سکټورونو کې بدلونونه" وايي، په افغانستان کې د پرله پسې وچکالۍ له امله په تېرو دوو کلونو کې کرنیز محصولات ۱۵،۷ سلنه کم شوي دي.

د کرنې، اوبولګولو او مالدارۍ وزارت وايي، چې د دغه وزارت سرپرست په کابل کې د ایران د سورنا سپهر پارس نندارتون له مشر سره وکتل. په دې کتنه کې د دغه شرکت مشر وويل چې په نږدې راتلونکي کې به په افغانستان کې يو کرنيز نندارتون جوړ کړي.

په پروان ولایت کې یو پول چې شل متره اوږدوالی او څلور نیم متره سور لري د دغه ولایت د اوسیدونکو په مالي لګښت جوړ شو. دغه پل د پروان - بامیان عمومي سړک سره نښلوي.

د بدخشان سیمه ییزو چارواکو د دغه ولایت په مرکز کې په ۱۶۴ غرفو کې د کرنیزو محصولاتو او لاسي صنایعو د نندارتون د پرانیستلو اعلان وکړ.

د بلخ د امنيې قوماندانۍ وياند وايي، د دغه ولايت د بلخ، چمتال، دولت آباد، چهاربولک، کلدار او زارع په ولسواليو کې څه باندې ۶۰ جريبه کرنيزه ځمکه د امنيتي ځواکونو له لوري د کوکنارو له کښت څخه پاکه شوې ده.

د کندز د کرنې ریاست چارواکو د دغه ولایت په مرکز کې د ۳۰۰ زره ډالرو په ارزښت د ۸۵ شنې خونې د پرانیستلو خبر ورکړ.

د صدراعظم د دفتر اقتصادي مرستیال بهرنیو هېوادونو ته د ډبرو سکرو او کرنیزو محصولاتو په صادراتو کې د پام وړ زیاتوالی اعلانوي او وايي چې افغانستان په تېرو اوو میاشتو کې د یو میلیارد او ۸۵ میلیونو ډالرو په ارزښت صادرات کړي دي.

حجت الاسلام والمسلمین سید عیسی حسیني مزاري د تبیان د ټولنیزو کلتوري فعالیتونو مرکز عمومي رئیس د چهارشنبې په ورځ د عقرب په ۴ مه په کابل کې د ښځو د لاسي صنایعو او کرنیزو محصولاتو له نندارتون څخه لیدنه وکړه او د ښځینه متشبثینو له یو شمېر استازو سره یې خبرې وکړې.