د اسلامي امارت د استخباراتو عمومي ریاست وايي، د داعش ډلې یو فرهنګي فعال یې نیولی دی چې «دې ډلې ته یې جعلي سندونه جوړول.
دخپریدو نیټه :يکشنبه ۹ اسد ۱۴۰۱ ساعت ۱۵:۲۴
د مطلب کود : 256412
افغان غږ خبری آژانس - کابل: د اسلامي امارت د استخباراتو عمومي ریاست نن یکشنبه (اسد ۹) د یوې ویډیو په خپرولو سره اعلان وکړ چې د الفت الله په نوم د داعش ډلې یو فرهنګي فعال زوی یې نیولی دی.
د دغه ریاست د معلوماتو له مخې، نیول شوی کس چې د داعش ډلې لپاره یې جعلي سندونه جوړ کړي، د لوګر ولایت اوسېدونکی دی.
د استخباراتو رياست زياته کړه، ټول هغه وسايل چې د سندونو په جوړولو او چاپولو کې ترې کار اخيستل کېده، له ياد کس څخه ترلاسه شوي دي.
اسلامي امارت په وار وار او ښکاره ویلي چې داعش ته اجازه نه ورکوي چې په افغانستان کې فعالیت وکړي او دا ډله په هیواد کې له منځه یوسي.
تېره ورځ د افغانستان په چارو کې د روسیې د ځانګړي استازي ضمیر کابلوف له څرګندونو وروسته چې ویلي وو په افغانستان کې د داعش ترهګرې ډلې غړي په یوه کال کې درې چنده شوي، د اسلامي امارت ویاند ذبیح الله مجاهد په یوه ټوېټ کې دا ادعا رد کړه او روښانه یې کړه: د افغانستان خلک او اسلامي امارت، داعش ته اجازه نه ورکوي چې په هېواد کې ځالې جوړې کړي او دغه ډله په هېواد کې له ماتې سره مخ شوې او له منځه ځي.
د دغه ریاست د معلوماتو له مخې، نیول شوی کس چې د داعش ډلې لپاره یې جعلي سندونه جوړ کړي، د لوګر ولایت اوسېدونکی دی.
د استخباراتو رياست زياته کړه، ټول هغه وسايل چې د سندونو په جوړولو او چاپولو کې ترې کار اخيستل کېده، له ياد کس څخه ترلاسه شوي دي.
اسلامي امارت په وار وار او ښکاره ویلي چې داعش ته اجازه نه ورکوي چې په افغانستان کې فعالیت وکړي او دا ډله په هیواد کې له منځه یوسي.
تېره ورځ د افغانستان په چارو کې د روسیې د ځانګړي استازي ضمیر کابلوف له څرګندونو وروسته چې ویلي وو په افغانستان کې د داعش ترهګرې ډلې غړي په یوه کال کې درې چنده شوي، د اسلامي امارت ویاند ذبیح الله مجاهد په یوه ټوېټ کې دا ادعا رد کړه او روښانه یې کړه: د افغانستان خلک او اسلامي امارت، داعش ته اجازه نه ورکوي چې په هېواد کې ځالې جوړې کړي او دغه ډله په هېواد کې له ماتې سره مخ شوې او له منځه ځي.
avapress.com/vdcfyvd00w6dtja.,ziw.html
ټګونه
