په چین کې د ریشتر په کچه د ۶،۸ درجې زلزلې لږ تر لږه ۱۱۰ کسان وژلي او ټپیان کړي دي

افغان غږ خبری آژانس: دغه زلزله نن سه شنبه د جدی په ۱۸ مه سهار شاوخوا نهه نیمې بجې رامنځته شوه او مرکز یې د ایوریسټ په شمال کې کې او د ځمکې له سطحې څخه ۱۰ کیلومتري کې د ریشتر په کچه د ۶.۸ درجې اټکل شوي دي.

د زلزلې شدت دومره لوی وو چې په ګاونډیو هیوادونو لکه نیپال، بوتان او هند کې هم احساس شوی دی. د نیپال د پلازمینې کتمندو اوسیدونکو هم د زلزلې له سیمې څخه ۴۰۰ کیلومتره لرې احساس کړی دی. له زلزلې وروسته د تنګيري کلي په لسګونو زلزلې تجربه کړي چې د ریښتر په کچه تر ۴،۴ درجې وو.
د وروستيو خپرو شويو شمېرو له مخې، په تبت کې زلزلې ۵۳ تنه وژلي او ۶۲ نور يې ټپيان کړي دي.
د زلزلې له سختو تلفاتو وروسته د چين ولسمشر شي جين پينګ سيمې ته د هر ډول مرستې رسولو امر وکړ.

په سیمه کې د دغې زلزلې له امله تر ۱۰۰۰ زیات کورونه په بشپړه یا جزوي توګه ویجاړ شوي دي. د ۲۲۰۰۰۰ څخه ډیر د اړتیا وړ توکي د پیښې ځای ته لیږل شوي او د ۱۵۰۰ څخه ډیر اور وژونکي او ژغورونکي اغیزمنو سیمو ته لیږل شوي.

د چین سویل لویدیځ، نیپال او شمالي هند د نړۍ د زلزلې ځپلو سیمو څخه دي. په ۲۰۰۸ کال کې د چین په سیچوان ایالت کې د ریښتر په کچه د ۷.۸ درجې یوې زلزلې له ۷۰ زره ډېر کسان ووژل. په ۲۰۱۵ کې د نیپال په کتمندو کې یوې بلې زلزلې له ۹۰۰۰ څخه ډیر خلک ووژل.