د باميانو يو شمېر اوسېدونکي په دغه ولايت کې د خوراکي توکو د بيو له لوړېدو شکايت کوي او وايي، چې په هېواد کې د روان وضعيت او د بې وزلۍ او بېکارۍ د ډېرېدو له امله خلک د اومو توکو د پېرلو توان نه لري.

د بامیان ولایت یو شمېر سیمه ییز خبریالان وايي، په تېرو نهو میاشتو کې په هېواد کې د تغیراتو وروسته په دغه ولایت کې یو شمېر سیمه ییزو رسنیو فعالیت بند کړی او یو شمېر خبریالانو خپلې دندې له لاسه ورکړي دي.

د ننګرهار په شیخ مصري ښارګوټي کې د خالص غوړیو د تولید فابریکې په تولیداتو کې د پام وړ زیاتوالی راغلی او د هیواد زیاتو ولایتونو ته یې د خپلو تولید شویو غوړیو لیږد پیل کړی دی.