د ملګرو ملتونو د بشري چارو د همغږۍ اداره اوچا وايي، په تېرو دوو کلونو کې په افغانستان کې ۱۴۰۲ کسان د ځمکنیو ماینونو او نورو چاودنو له امله وژل شوي دي.

د اسلامي انقلاب د سپاه پاسداران د ځمکنیو ځواکونو قومندان اعلان وکړ چې د سیستان او بلوچستان ولایت په جنوب کښې د راسک او چابهار په ښارونو کښې د وژل شویو ترهګرو شمېر ۱۶ تنو ته لوړ شوی دی.

د بښنې نړیوال سازمان د یوه راپور په خپرولو سره د پاکستان پر حکومت تور پورې کړی چې له دغه هېواده د کډوالو د ایستلو د مخنیوي لپاره یې د نړیوالو غوښتنو ته پام نه دی کړی او د هغوی له حقونو یې سرغړونه کړې ده.

د پاکستان په کراچۍ ښار کې د اسلامي امارت د حکومت قونسل جنرال وايي، د دغه هېواد د سند ایالت له زندانونو ۵۴ افغان بندیان خوشي شوي دي.

د رسنیو د راپورونو له مخې د اکتوبر له اوومې راهیسې په غزه کې د جګړې د شهیدانو شمېر ۳۲ زره ۹۷۵ او د ټپیانو شمېر ۷۵ زره ۵۷۷ ته لوړ شوی دی.

له شخصیتونو سره د اړیکو کمېسیون وايي، په تېر حکومت کې د پکتیا امنیه قومندان جنرال راز محمد مندوزی هېواد ته راستون شوی دی.

د رئیس الوزرا اقتصادي مرستیال دفتر په یوه خبرپاڼه کې ویلي، چې د ملا عبدالغني برادر اخند په مشرۍ د ملي تدارکاتو کمېسیون د ۱۱ میلیارد افغانیو په ارزښت د ۲۴ پروژو قراردادونه منظور کړي دي.

د هلمند ولايت د احصايې او اطلاعاتو رياست چارواکي وايې چې په تېر کال کې په دغه ولايت کې شاوخوا ١٥٦ زره کاغذي او برېښنايي تذکرې وېشل شوي دي.

د لبنان حزب الله د دغه رژيم د قوماندې د مرکز په شمول د صهيونېسټ رژيم په دوو فوځي پوستو د توغنديو د حملې اعلان وکړ.

د اختر په رارسېدو سره د جوزجان والي وايي، د اختر په ورځو کې د ښاریانو د ژوند او مالي خوندیتوب لپاره هڅې د پخوا په پرتله زیاتې دي او خلکو ته ډاډ ورکوم د اختر په ورځو کې په پوره امنیت کې ښار ته لاړ شئ.

د غور ولایت چارواکي وايي، د دغه ولایت په چهارسدې ولسوالۍ کې له غره څخه د یوې ډبرې د ښویېدو له امله د درې ماشومانو په ګډون د یوې کورنۍ ۵ غړي وژل شوي دي.

د ۷.۵ درجې زلزلې تایوان ولړزاوه او په جاپان او فیلیپین کې یې د سونامي خبرداری ورکړ. دا زلزله د تایوان تر ټولو قوي زلزله ده چې په تیرو ۲۵ کلونو کې نه ده تجربه شوې؛ له دغې زلزلې شاوخوا ۱۵ دقیقې وروسته د تایوان ختیځ ساحل ته څېرمه د ۶،۵ درجې په کچه یوه بله زلزله وشوه.

د فلسطین د روغتیا وزارت د معلوماتو له مخې، د اکتوبر له اوومې راهیسې په غزه کې د شهیدانو شمېر ۳۲ زره ۹۱۶ او د ټپیانو شمېر ۷۵ زره ۴۹۴ ته رسېدلی دی.

د ترکي رسنیو د راپورونو له مخې، په تېرو دوو اونیو کې په دغه هېواد کې د سیاسي ډلو تر منځ ټاکنیزو نښتو کې نږدې ۷۰ تنه وژل شوي او ټپیان شوي دي.

د رسنیو د راپورونو له مخې، د سوریې په پلازمینه دمشق کې د ایران پر کونسلګرۍ د صهیونیسټ رژیم د برید د شهیدانو وروستی شمیر ۱۳ تنو ته لوړ شو.

جنوبي کوریا اعلان کړی، چې شمالي کوریا د سوپرسونیک په وسیله د منځني واټن ویشتونکی بالستیک توغندی ازمویلی دی.

د اسلامي امارت ویناند ذبیح الله مجاهد د روسیې د دې اقدام په غبرګون کې چې له تروریستي سازمان څخه یې د اسلامي امارت نوم لیرې کول غواړي، ویلي چې اسلامي امارت هغه حرکت دی چې د افغانستان د خپلواکۍ لپاره یې مبارزه کړي او د افغانستان د خلکو استازیتوب یې کوي.

د ایران د اسلامی جمهوریت رسنیو د داعش ترهګرې ډلې د دوو غړیو د نیولو خبر ورکړ چې احتمالاً د حضرت معصومې (س) زیارت ته د ننوتو په وخت کښې یې د ترهګریزو عملیاتو د ترسره کولو پلان درلود.

د اسلامي امارت د کانونو او پټرولیم وزارت وايي چې د ګلبهار ګروپ شرکت رئیس د دغه وزارت له وزیر سره په کتنه کې اعلان وکړ چې دغه فابریکه به په یوه کال کې د سمنټو تولید پیل کړي او د یو میلیون ټنو سمنټو د تولید ظرفیت به ولري.

د ملي ستندرد ادارې چارواکي وايي، د فراه ولایت د ابو نصر فراهي له ۷۸ بندر څخه یې د تېلو د ټیټ کیفیت ۱۰ ټانکرونه بېرته راستانه کړي دي.