د کډوالو او راستنیدونکو چارو وزارت د څه باندې دوه میلیونه او ۶۰۰ زره ډالرو په ارزښت د دغه وزارت او دوو بنسټونو ترمنځ د همکارۍ یو تفاهم لیک لاسلیک کړ.

په افغانستان کې د ناروې سفیر د لرئیس الوزرا له سیاسي مرستیال سره په لیدنه کې ویلي چې داعش په افغانستان کې ځپل شوی او خپل ځواک یې له لاسه ورکړی دی.

د اسلامي امارت د بهرنیو چارو وزارت د پاکستان د خیبرپښتونخوا په شانګله سیمه کې د څو چینايي اتباعو په وژل کیدو خواشیني څرګنده کړه او ویې ویل چې د سیمې هیوادونه باید اجازه ورنکړي چې سیمه ناامنه شي.

د خوړو نړیوال پروګرام له لارې د افغانستان له خلکو سره د جرمني حکومت د ۱۵ میلیونه یورو مرستې اعلان کړی دی.

د ملګرو ملتونو د خوړو او کرنې سازمان (FAO) مشر د انرژۍ او اوبو وزارت له سرپرست سره په کتنه کې د دغه سازمان په مرکز او ولایتونو کې د اوبو د مدیریت د پروژو د تطبیق لپاره د ګډې همکارۍ لپاره چمتووالی څرګند کړ.

د کډوالو او راستنیدونکو چارو وزارت په دې وروستیو کې له ایران څخه د اسلام کلا له لارې ۱۵۴۸ افغان کډوال او د تورخم له لارې ۴۸۱ نور افغان کډوال هېواد ته راستانه شوي دي.

د عامې روغتیا وزارت سرپرست په افغانستان کې د روغتیا د نړیوال سازمان له استازي او د اوچا دفتر له مسوولینو سره په کتنه کې وویل چې د لوړ کیفیت روغتیايي خدمتونو وړاندې کول او د کارکوونکو د ظرفیت لوړول د دغه وزارت له لومړیتوبونو څخه دي.

د غزې د روغتیا وزارت اعلان وکړ چې د اکتوبر له اوومې راهیسې په غزه کې د شهیدانو شمېر ۳۲ زره ۴۱۴ او د ټپیانو شمېر ۷۴ زره او ۷۸۷ ته رسېدلی دی.

د پاکستان امنیتي چارواکو اعلان کړی چې د خیبر پښتونخوا په شانګله ولسوالۍ کې د یوه ځانمرګي برید په پایله کې د پنځو چینايي اتباعو په ګډون شپږ کسان وژل شوي دي.

د جوزجان ولایت سیمه ییزو چارواکو په دغه ولایت کې د اداري کارونو د مهارتونو د ترلاسه کولو په موخه د روزنیز پروګرام د جوړولو اعلان وکړ.

په هېواد کې د لومړي ځل لپاره په هرات کې د هغو ۱۰۵ بندیانو د سپارلو مراسم ترسره شول چې د قرآن کریم حفظ یې کړي دي.

د ښو او بدو د مخنیوي وزارت د شکایتونو د اوریدو مرستیال شیخ سید علي صدیق الله وویل چې د شکایتونو د اوریدلو قانون د اسلامي امارت د مشر شیخ هبت الله اخندزاده لخوا توشیح شو.

د خوړو نړیوال پروګرام اعلان وکړ، چې روسیې له افغانستان سره د یو میلیون ډالرو بشري مرستو په برخه کې مرسته کړې ده.

د اسلامي امارت د بهرنیو چارو وزارت د یوې اعلامیې په خپرولو سره په غزه کې د ملګرو ملتونو د امنیت شورا لخوا د اوربند د پریکړه لیک د تصویب هرکلی کړی دی.

د هرات د اطلاعاتو او کلتور ریاست چارواکي وايي، ۱۷ تنه تایلنډي سیلانیان هرات ته د تاریخي ځایونو او سیاحتي ځایونو د لیدو لپاره تللي دي.

د بلخ ولایت د کار او ټولنیزو چارو ریاست د یونیسف ادارې په همکارۍ له شپږ میاشتنۍ تخنیکي او مسلکي روزنیزې دورې وروسته ۲۰۵ تنکیو ځوانانو ته د ۳۰ زره افغانیو په ارزښت کاري وسایل وویشل.

د اسلامي امارت د ارشاد، حج او اوقافو وزارت سرپرست په کابل کې د یوې غونډې په ترڅ کې وویل چې سعودي عربستان سږ کال افغانستان ته ۳۰ زره د حج سهمیه ورکړې او دغه سهمیه په شفافه او عادلانه توګه د ټول هېواد د حج کوونکو ترمنځ وېشل شوې دي.

د عامې روغتیا وزارت وايي، تېر کال په افغانستان کې د توبرکلوز ۴۹ زره مثبتې پېښې ثبت شوې چې د تېرو کلونو په پرتله پنځه سلنه کموالی ښيي.

په میدان وردګ ولایت کې د اسلامي امارت سیمه ییزو چارواکو په دغه ولایت کې د ۶ میلیونه افغانیو په ارزښت د غوړیو د یوې فابریکې د پرانیستلو خبر ورکړ.

د اسلامی امارت د صنعت او سوداګرۍ وزارت ویاند اخندزاده عبدالسلام جواد نن (سه شنبه د حمل ۷ مه) د آوا له خبریال سره په مرکه کې وویل چې دغه پلاوی د یو ورځني سفر په ترڅ کې به د سوداګرۍ او ټرانزیټ ننګونو په پیاوړتیا، پراخولو او حل کولو تمرکز وکړي، د صنعت او سوداګرۍ له سرپرست وزیر سره به ووینې او خبرې وکړي.