په تېرو ۲۴ ساعتونو کې د ملي پولیسو ،ملي پوځ  او ملي امنیت ځواکونو  د ګډو چاڼیزو عملیاتو په لړ کې چې ننګرهار ، تخار ، کندز ، کندهار ، زابل ، ارزګان ، لوګر ، غزنی ،کنړ او هرات ولایتونو په اړوندوسیمو کې یې ترسره کړل،۲۰ تنه  ترهګر طالبان  ووژل شول ، ۲۲ تنه ټپیان او ۱۳ تنه د امنیتي ځواکونو له لورې  ژوندي ونیول شول .
په یادو عملیاتو کې یوه  اندازه  وسلې او  مهمات هم د ملي امنیتي ځواکونو لاسته ورغلي دي  .
همدا راز  د ملي پولیسو منسوبانو تېره  ورځ ،۸  کړۍ  ماینونه  چې د طالب ترهګرو له لورې  د ترهګریزوکړنو د ترسره کولو په موخه  دهلمند ، پکتیا ، میدان وردک ، سرپل   او بغلان  ولایتونو  په اړوندو سیمو کې ځای پر ځای شوي وو کشف او شنډ کړای شول.