د کورنیو چارو وزارت ویاند نجیب دانش ازادي راډیو ته وویل چې لومړۍ انتحاري حمله د کابل ښار ۱۳ مې امنیتي حوزې قرول ته مخامخ شوې چې د تلفاتو په اړه یې جزئیات نشته.

څو شېبې وروسته له هغې د کابل ښار لسمې حوزې ته مخامخ دوه انتحاري وشوې چې د لومړني معلوماتو له مخې دوه تنه ټپیان له دغې پېښې روغتون ته لېږدول شوي دي.

ښاغلي دانش هغه راپورونو رد کړل چې ګنې دغه حملې په دغو سیمو کې د انتخاباتو لپاره د رأی پر مرکزونو شوي دي.

تر اوسه ددې حملو پړه کومې وسله والې ډلې نه ده منلې.