د جرمني په لویديځ زارلاند ايالت کې دوه تنه په ډزو وژل شوي او یوشمېر نور ټپیان شوي دي.

د جرمني بيلډ ورځپاڼې ویلي، ډزې د ساربرکن ښار وېچينګین سیمه کې شوي چې دوه تنه پکې وژل شوي دي.

پولیسو ویلي، بریدکونکي په خلکو ناتار ډزې وکړې چې وروسته د پولیسو له لورې ونيول شو.

لومړني معلومات ښيي، برید د کورنۍ ستونزې له امله ترسره شوی، ځکه بریدکونکی او قربانیان ټول د یوې کورنۍ غړي دي.

د پولیسو په خبره، د پيښي په اړه يې څېړنې پيل کړي دي.