آوا - کابل: د غزني د اطلاعاتو او کلتور رئیس مل پاسوال حمیدالله نثار وايي چې د روان کال له پیله تر اوسه ۲۹۳ بهرنیو سیلانیانو دغه ولایت ته سفر کړی او د غزني له طبیعي ځایونو او لرغونو سیمو څخه یې لیدنه کړې ده.

 

د غزني ولايت د اطلاعاتو او فرهنګ رييس وويل، چې ډېرى دغه سيلانيان د روسيې، چين، انګلستان، اسټراليا، هند، امريکا، ايران، جنوبي کوريا او نورو هېوادونو اتباع دي.

 

بايد وويل شي، چې په هېواد کې له نسبي امنيت سره په تېرو دوو کلونو کې د افغانستان بېلابېلو ولايتونو ته د بهرنيو سيلانيانو سفرونه زيات شوي دي.