د ننګرهار ولایت د تورخم سرحدي قوماندانۍ چارواکي وايي، د تورخم له لارې د پاکستان له محبسونو څخه ۲۳ افغان بندیان هېواد ته راستانه شوي.

آوا: د تورخم د سرحدي چارو د مسؤلینو د معلوماتو له مخې، دغه ۲۳ تنه افغان بندیان د تورخم له لارې د پاکستان له محبسونو څخه آزاد شوي او هېواد ته راستانه شوي.

د چارواکو په وينا، دغه کسان له راستنېدو وروسته د ملګرو ملتونو د کډوالو عالي کمېشنرۍ او د مهاجرت نړيوال سازمان دفترونو ته د مرستې د ترلاسه کولو لپاره ورپېژندل شوي دي.

باید وویل شي، چې پاکستان په وروستیو میاشتو کې سلګونه افغان کډوال نیولي دي.