د ترافيکو د عمومي رياست چارواکي وايي، په هېواد کې د اختر په څلورو ورځو کې د ترافيکي پېښو له امله د ٨ ښځو او ١٣ ماشومانو په ګډون ٥٠ تنه مړه او ١٨٥ نور ټپيان شوي دي.

آوا - کابل: د ترافیکو د عمومي ریاست چارواکو رسنیو ته ویلي، چې د کوچني اختر په څلورو ورځو کې د هېواد په بېلابېلو سیمو کې ۱۰۲ ترافیکي پېښې شوي، چې په پایله کې د ۸ ښځو او ۱۳ ماشومانو په ګډون ۵۰ تنه خپل ژوند له لاسه ورکړي او د ۳۴ ښځو او ۳۳ ماشومانو په ګډون ۱۸۵ نور ټپیان شول.

د باختر آژانس د خبرله مخې او ددغې ادارې د مسوولينو په وينا؛ ډیری دا پیښې په هرات، غزني او پکتیکا ولایتونو کې شوي دي.

د يادونې وړ ده، چې په هېواد کې د ترافيکي پېښو تر ټولو مهم لاملونه د ترافيکي قوانينو نه مراعت، تېز سرعت او د سړکونو خرابوالى دى.