له دایکندي ولایت څخه رارسیدلي راپورونه وايي؛ چې نن په دې ولایت کې سلګونه تنو په هغې مظاهره کې برخه اخیستې چې د پاکستان په کویټې کې یې د هزاره ګانو د وژنې په غبرګون پیل کړې ده.
له سیمې څخه د آزادۍ راډیو خبریال وايي؛ په مظاهره کونکو کې د ولایتي شورا، مدني ټولنو استازي او عام خلک شامل دي چې د دې پیښې د پلټنې غوښتونکي دي.
تېره ورځ هم د کابل د دشت برچي سیمې اوسیدونکو په کوټه کې د هزاره ګانو د وژنې په غبرګون مظاهره وکړه.
د پاکستان په کوټه ښار کې له یوې چاودنې وروسته چې په لسګونو هزاره توکمي په کې ووژل شول؛ د دې ښار میشتو هزاره و هم څو ورځې اعتراضونه وکړل او حکومت یې د بلوجستان د حکومت ګوښه کیدو ته اړویسته.
دریافت صفحه با کد QR