چارواکي وایي، په لغمان ولایت کې ماین چاودنې څلور تنو ملکي وګړو ته مرګ ژوبله اړولې ده.
د لغمان د ولایت ویاند سرحدي ځواک ازادۍ راډيو ته ویلي؛ چې پرون د جمعې په ورځ د دې ولایت د اليشنګ ولسوالۍ په کردي سالاب سيمه کې د وسله والو له لورې د سړک پر غاړه د ځای پرځای شوي ماین د چاودنې له امله دوه تنه وژل شوي او دوه نور ټپيان شوي.
ځواک وايي، چې دغه خلک پر سړک پلي روان وو چې؛ ماین پرې چاودلی دی.
تر اوسه کومې وسله والې ډلې د دې چاودنې مسوولیت په غاړه نه دی اخیستی.