افغانستان د کانونو او پطرولیم وزارت وايي؛ د دوی د تحقیقاتي پلاوي د معلوماتو له مخې د سمنګانو په ولایت کې د ډبرو سکرو په یوه کان کې وروستۍ پیښه د وسله والو مخالفینو یوه پلان شوې دسیسه وه.
د دي وزارت ویاند رفیع صدیقي له ازادۍ راډيو سره په یوه ځانګړې مرکه کې وویل؛ مخکې له دې چې په دې کان کې چاودنه وشي؛ څو تنه وسله وال مخالفین د کان شاو خوا لیدل شوي و.
څو ورځې مخکې په سمنګانو کې د کان د یوې برخې د پریوتو په پیښه کې ۲۳ تنه و وژل شول او ۲۰ نور ټپیان شول.
وسله والو مخالفینو تراوسه په دې اړه څه نه دي ویلي.