د راپورونو له مخې په هرات کې د جمهوري ریاست د یوه کاندید ډاکټر زلمي رسول د دفتر مسوولینو د امریکا غږ آشنا ټلویزیون یو خبریال د نیم ساعت لپاره بندی کړی و.
له هرات څخه د آزادي راډیو خبریال وایي؛ چې د فاروق فیضي په نامه خبریال له یاد دفتر څخه تصویر اخیسته.
د هرات امنیتي مسولینو وروسته آزادي راډیو ته وویل؛ چې دا خبریال خوشې شوی او د ډاکټر زلمي رسول د کمپاین د ولایتي دفتر مسولینو په همدې خاطر بخښنه غوښتې وه.
خو د ښاغلي رسول د انتخاباتي کمپاین مسولینو تر اوسه رسماً په دې اړه څه نه دي ویلي.