دفاع وزارت وایي، د امریکا متحده ایالات به د روان میلادي کال تر پایه دوه شپيته هلیکوپټرې افغان امنیتي ځواکونو ته ورکړي.
د دغه وزارت ویاند جنرال ظاهر عظیمي نن آزادي راډيو ته وویل؛ چې دغه الوتکې له امریکا سره د مخکیني توافق له مخې د افغانستان دفاع وزارت ته سپارل کیږي:
"د امریکا له متحده ایالتو سره د دفاع وزارت د توافقاتو له مخې؛ ټاکل شوې دوه شپیته امریکایې هلیکوپټرې د روان کال تر پایه افغانستان ته ورکړل شي."
نوموړی وایي، د افغانستان هوایي ځواک به د ۲۰۱۶ میلادي کال تر پایه دومره مجهز شي څو وکړای شي؛ خپلې اړتیاوي پوره کړي.