د ننګرهار د امنیه قوماندانۍ ویاند حضرت حسین مشرقیوال وايي په خوږیاڼیو کې ددغو ډلو د وسله والو ترمنځ نښته کې د سیدګلاب په نوم د داعش ډلمشر وژل شوی او شپږ کسان یې طالبانو نیولي دي.

د ننګرهار امنيتي چارواکي وايي، چې د دغه ولایت هغه سيمې چې د داعش وسله والو په واک کې دي، د طالبانو سره په کې جګړې زیاتي شوي دي.
د چارواکو په خبره دغه جګړو وروسته له هغه زور اخیستی، چې کله داعش وسله والو د ننګرهار ولایت هغو سيمو ته مخه کړه، چې د طالب وسله والو فعالیتونو کچه لوړه ده.
اوس د ننګرهار امنيه قومانداني وايي، د داعش او طالبانو ترمنځ جګړه د ننګرهار خوږیاڼیو ولسوالۍ ته هم وغځیده.
د ننګرهار د امنیه قوماندانۍ ویاند حضرت حسین مشرقیوال وايي په خوږیاڼیو کې ددغو ډلو د وسله والو ترمنځ نښته کې د سیدګلاب په نوم د داعش ډلمشر وژل شوی او شپږ کسان یې طالبانو نیولي دي.