د کندوز امنیه قومندانۍ په ډاګه کړې، چې په کندوز کي خالد نومي پوځی عملیات پيل شوي دي.

د افغان غږ(آوا) آژآنس د خبرله مخی، د کندوز امنیه قومندان جنرال عبدالحمید حمید وایي، دا عملیات پرون له غرمي وروسته د کندوز ښار په څنډو کې پیل شوي، چې تراوسه په کې لس وسلوال وژل شوي او ۱۵ نورټپیان دي.
هغه زیاتوي، دا عملیات له ښاره ولسوالیو ته هم غزیږي او په لړ کې به یی د کندوز ټول ولایت له وسلوالو طالبانو پاک شي.
وسلوالو طالبانو تراوسه په دې اړه څه نه دي ویلي.