کد QR مطلبدریافت صفحه با کد QR

ولسمشر غنی: هندوان او سکان د افغانستان ویاړ دی او حکومت به تل ورته پام وکړی

14 سرطان 1397 ساعت 13:31

د افغانستان جمهوري ریاست دفتر یا ارګ ماڼی وایي ولسمشر غني پرون په کارته پروان ګوردواره کې دجلال اباد ښار د وروستۍ تروریستي پېښې د قربانیانو کورنیو سره چې یو شمېر سکانو او هندوانو هېوادوالو په کې خپل ژوند له لاسه ورکړ،غمشریکي وکړه.


 

 د ارګ ماڼی له خوا په خپره شوې خبرپاڼه کې راغلي چې په دغو مراسمو کې لومړی ثورپال سِنګ د نورو په استازیتوب دخبرو پرمهال د جمهور رئیس له غمشریکۍ څخه مننه وکړه.

جمهور رئیس د هېواد د سکانو او هندوانو ویرځپلو کورنیو سره د خواخوږۍ او غمشریکۍ ترڅنګ وویل: دا پېښه یوه فاجعه وه او حکومت به یې د پېښېدو څرنګوالی په هر اړخیزه توګه وارزوي او عاملین به مجازات کړي.

د ارګ ماڼی په وینا، د هېواد جمهور رئیس د دې ترڅنګ چې هندوان او سکان هېوادوال د افغانستان ویاړ وبلل وویل، حکومت به تل دوی ته پام وکړي.

د ننګرهار ولایت مرکز جلال ښار کې د چاودنې په ترڅ کې د ۱۷ سکانو په ګډون لږ تر لږه ۱۹ تنه ووژل شول او شاوخوا ۲۱ نور ټپیان شوي.


د مطلب کود: 166557

دمطلب پته :
https://www.avapress.com/ps/news/166557/ولسمشر-غنی-هندوان-او-سکان-د-افغانستان-ویاړ-دی-حکومت-تل-ورته-پام-وکړی

آوا
  https://www.avapress.com