په کابل ښار کې د نننی ځانمرګي برید په ترڅ کې د وژل شویو کسانو شمېر ۴۸ او د ټپیانو شمېر ۶۷ ته ورسېد.

د افغانستان د عامې روغتیا وزارت چارواکي تائیدوي چې د برید په ترڅ کې لږ تر لږه ۴۸ کسان وژل شوي.
چارواکي زیاتوي، چې د پیښې له ځای شاوخوا ۶۷ ټپیان روغتونونه ته ور وړل شوي.
امنیتي چارواکي وایي پیښه د کابل ښار په لویدیځ کې په یوه ښوونیز مرکز کې دننه رامنځته شوې ده.
د ښونیز مرکز یوه سرچینه تر درې مخکې ویلي و چې د برید په ترڅ کې تر ۳۰ زیات کسان وژل شوي او لسګونه نور ټپیان دي.
تر اوسه  کوم چا یا ډله د برید مسئولیت په غاړه نه دی اخیستی.