افغان ولسمشر اشرف غني نن یکشنبې سهار د لوړپوړي دولتي پلاوي په مشرۍ د هیواد بېلابېلو ولایتونو ته د سفرونو په لړ کې د هلمند ولایت مرکز لښکرګاه ته ورسېد.

د ولسمشرۍ ماڼۍ په اعلامیه کې راغلي چې ولسمشر غني به د عبدالجبار قهرمان او صالح محمد اڅکزي کورنیو سره پر غمشریکۍ سربېره د هلمند ملکي او نظامي مسوولینو، مشرانو او متنفذینو، علماو، ښځو، ځوانانو، د ولایتي شورا استازو، ښوونکو او د پوهنتون استادانو، د مدني ټولنې او د بېلابېلو اقشارو له استازو سره جلا ناستې ولري