د ارزګان ولایت په مرکز ترینکوټ کې له لېرو سیمو څخه د جګړې له کبله را بې ځايه شوي کورنۍ وايي، روانو جګړو ترې هرڅه اخېستي او د ژمي لپاره سرپناه نه لري او تر شنه اسمان لاندې شپې او ورځې تېروي.

دوی غوښتنه کوي چې دولت د ژمي لپاره د سرپناه ځایونه ورته پیداکړي او د خوراکي او غېرې خوراکي توکو مرسته دې ورسره وکړي.
په ورته وخت کې د ارزګان د کډوالو او بېرته راستنېدونکو چارو اداري مسؤلین وايي، دغلته ۱۰ زره کورنۍ عاجلو مرستو ته اړتیا لري.