کد QR مطلبدریافت صفحه با کد QR

غزنی کې طالبانو نومول شوی مرستیال والی او سرې قطعې نظامي مسؤول وژل شوی

11 عقرب 1397 ساعت 16:59

په غزني ولایت کې د وسله والو طالبانو نومول شوي مرستیال والي او د سرې قطعې نظامي مسئول په ګډون ۱۳ وسله وال وژل شوي دي.



په جنوب ختېځ کې د ملي پوځ ۲۰۳ تندر قول اردو په یوه بیان کې ویلي، چې په افغانستان کې میشت امریکایي ځواکونو د غزني ولایت د آب بند، مقر او اندړو ولسوالیو په مربوطاتو کې هوایي بریدونه ترسره کړی، چې په پایله کې یې د طالبانو نومول شوی مرستیال والي ملا نسیم مشهور په داوود لنګ او د طالبانو د سرې قطعې نظامي مسئول عبدالله وژل شوي.
خبرپاڼه زیاتوي، چې په دغو هوایي بریدونو کې د دارو خان په نوم د طالبانو یو بل قوماندان په ګډون لس نور وسله وال هم وژل شوي دي.
د ۲۰۳ تندر قول اردو په وینا، همداراز د غزني ولایت مرکز پورې اړوند د نیازیو سیمه کې له وسله والو مخالفینو سره په نښته کې یو تن ترهګر وژلي او پنځه تنه نور یې ژوبل کړي دي.
د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.
 


د مطلب کود: 173417

دمطلب پته :
https://www.avapress.com/ps/news/173417/غزنی-کې-طالبانو-نومول-شوی-مرستیال-والی-او-سرې-قطعې-نظامي-مسؤول-وژل

آوا
  https://www.avapress.com