د افغانستان د اسلامي جمهوریت جمهوررئیس محمداشرف غني تیره ماښام د افغان سولې لپاره د امریکا متحدو ایالتونو د بهرنیو چارو وزارت ځانګړي استازي ډاکتر زلمي خلیلزاد سره په ارګ کې وکتل.

په پیل کې  ډاکټر زلمي خلیلزاد جمهوررئیس غني او نورو حکومتي چارواکو ته د سولې پروسې په اړه د خپلو راتلونکو سفرونو او برنامو په اړه معلومات ورکړل.
په دغه کتنه کې دواړو لوریو یو ځل بیا د بین الافغاني ډیالوګ پر احیا ټینګار وکړ او دا یې په راتلونکي کې د افغان حکومت تر مشرۍ لاندې طالبانو سره مخامخ مذاکراتو ته د زمینې برابرولو لپاره مهم وباله.