کد QR مطلبدریافت صفحه با کد QR

دکندهار موزيم شاوخوا ۸۵۰ ډوله تاريخي او لرغوني آثار لري

13 قوس 1398 ساعت 11:22

د کندهار د اطلاعاتو او فرهنګ رياست مسولين وايي، چي د کندهار موزيم د هيواد يو له پنځو غني موزيمونو له ډلي دي، چي د تيرو شپږ دورو بيلابيل ډوله تاريخي آثار پکښي نندارې ته وړاندي سوي دي.
خپله کندهار ښاريان هم موزيم غني بولي خو له هيوادوالو غوښتنه کوي، چي د موزيم د لا پياوړتيا او غني کېدو لپاره دي مرسته وکړي.


دا دکندهار موزيم دی، دلته د ډبرو دورې څخه نېولې، تر برونزو، کوشانيانو، باختري ، اسلامي او معاصري دورې پوري ډول- ډول تاريخي او لرغوني اثار ساتل کيږي.
د کندهار د اطلاعاتو او فرهنګ رئيس حکمت الله افغان ملي ټلوېوزيون سره خبرو کي وویل، چي د تېرو شپږو دورو څخه شاوخوا ۸۵۰ ډوله تاريخي توکي لري، چي بيلابيل ډولونه لري.
د اطلاعاتو او فرهنګ رئيس زیاته کړه، چي د موزيم سره د خلکو همکاري زياته ده او ډېری مهال خلکو ورسره بيلا-بیل ډوله تاريخي آثار شريک کړي دي.
نوموړي وویل، چي په موزيم کي پراته تاريخي اثار ديوې ټولني تېر تاريخ تمثيلوي، چي په وينا يې بايد هيوادوال د موزيم د غنا لپاره همکاري وکړې او پيداکېدونکي تاريخي آثار شريک کړي.
د کندهار موزيم ته هره ورځ ګڼ شمېر کسان د تاريخي آثارو او لوښو دليدني لپاره راځي.
دلته راغلو څو کسانو له ملي ټلوېزیون سره خبرو کي وویل، چي ډېر خوښ دي په کندهار کي د تاريخي آثارو د ساتلو دغه ډول موزيم لري.
بايد وویل سي، چي د کندهار موزيم د اطلاعاتو او فرهنګ په رياست کي په ۱۳۸۱ کال کي پرانيستل سوو، چي له هغه  راهسي ورته بيلا-بيل ډوله تاريخي آثار ور زيات سوي دي.


د مطلب کود: 197139

دمطلب پته :
https://www.avapress.com/ps/news/197139/دکندهار-موزيم-شاوخوا-۸۵۰-ډوله-تاريخي-او-لرغوني-آثار-لري

آوا
  https://www.avapress.com