د ولسمشر له لوري د تازه ګومارنو او په ځانګړي ډول په بهرنیو چارو وزارت کې وروستیو اصلاحاتو او ګومارنو اجراییه ریاست متقابل غبرګون ته اړ کړی دی.
عبدالله بهرنیو چارو وزارت کې وروستیو ګمارنو په اړه غبرګون وښود
د صدای افغان خبری آژانس(آوا) , 14 دلو 1398 ساعت 10:18
د ولسمشر له لوري د تازه ګومارنو او په ځانګړي ډول په بهرنیو چارو وزارت کې وروستیو اصلاحاتو او ګومارنو اجراییه ریاست متقابل غبرګون ته اړ کړی دی.
اجراییه مشر په یوه فرمان کې د بهرنیو چارو وزارت ته ویلي چې دغه وزارت او بهرنیو سفارتونو کې د اصلاحاتو په نوم له هر ډول اقداماتو ډډه وکړي.
ښاغلي عبدالله د وزیرانو شورا دارالانشا ته سپارښتنه کړې ترڅو د دغه حکم څارنه وکړي.
ویل کیږي اجراییه رییس غواړي د ولسمشر د دې اقدم په غبرګون د کابینې د پنځه وزیرانو او د اتو ولایتونو والیانو معرفي کېدو لپاره ځانګړی فرمان صادر کړي. که څه هم دعبدالله عبدالله له لوري د معرفي کېدونکو چارواکو نومونه نه دي په ډاګه شوي، خو د اجراییه ریاست ویاند مجیب رحیمي وایي په دې تړاو سلا مشورې پیل شوې دي. د ملي یووالي حکومت په تېره پنځه کلنه دوره کې د وزیرانو، والیانو او سفیرانو د معرفي کېدو موضوع د ولسمشر او اجراییه رییس ترمنځ جنجالي مسله وه چې له امله یې د کابینې ډیری وزارتونه د سرپرستانو له لوري اداره شول.
د مطلب کود: 202625