د ایران د بهرنیو چارو وزارت ویندوی عباس موسوي ددغه خبر پخلی کړی او له ایراني رسنیو سره یې په خبرو کې ویلي چې د افغانستان د بهرنیو چارو سرپرست وزیر محمد حنیف اتمر به له یو جګ پوړي پلاوي سره ایران ته راشي.
موسوي همدارنګه زیاته کړې چې محمد حنیف اتمر او پلاوی به یې د ایران له بهرنیو چارو وزیر محمد جواد ظریف او نورو چارواکو سره له نږدې وګوري او پر یو لړ بېلابېلو موضوعاتو به ورسره خبرې وکړي.