د فاریاب ځایي چارواکي وایي طالبانو پرون د دغه ولایت په مرکز کې پر لمونځ کوونکو ډزې کړي، درې تنه ملکیان یې وژلي او درې نور یې ټپیان کړي دي.
وسله والو فاریاب کې پر لمونځ کوونکو ډزې کړي درې کسان یې وژلي دي
د صدای افغان خبری آژانس , 24 سرطان 1399 ساعت 10:20
د فاریاب ځایي چارواکي وایي طالبانو پرون د دغه ولایت په مرکز کې پر لمونځ کوونکو ډزې کړي، درې تنه ملکیان یې وژلي او درې نور یې ټپیان کړي دي.
د فاریاب د پولیسو ویاند، کریم یورش یک تلویزیون ته وویل چې دا پيښه پرون دوشنبه د مرکز اړوند بي بي آیینه سیمه کې د ماښام لمانځه پرمهال شوې ده.
د یورش په وینا طالبان له سیمې تر تښتیدو وروسته د امنیتي ځواکونو له یوې پوستې سره مخ شول او دوه تنه وسله وال پکې ټپیان شول.
بله خوا، د دغه ولایت په امنیه قومندانۍ کې یوې بلې امنیتي سرچینې یک تلویزیون ته وویل چې دې پيښه کې څلور تنه وژل شوي او پنځه نور ټپيان شوي دي.
د سرچینې په وینا په وژل شوو کسانو کې د سیمه ییزو پولیسو یو قومندان عبدالستار د هغه ورور او زوی هم شامل دي.
د مطلب کود: 214498