له کابل نه ترکیې ته ټولې الوتنې د کرونا ویروس د خپریدو له ویرې لغوه اعلان شوي دي.

د افغانستان د هوایي چلند ادارې یک تلویزین ته ویلي چې دا پریکړه د ترکیې د هوايي چلند ادارې د دغه هیواد د روغتیا وزارت له سپارښتنې وروسته کړې ده.
د دې کار لامل افغانستان کې پر کرونا ویروس د اخته کسانو شمیر ډیریدل او ترکیې ته د ویروس د خپریدو احتمال بلل شوي دي.
دا په داسې حال کې دي چې له ترکیې نه کابل ته پروازونه دوام لري.
افغانستان کې تر اوسه شاوخوا ۳۵۰۰۰ تنه پر کرونا ویروس اخته شوي دي.