د ولسمشر وياند صديق صديقي وايي، د ملي دسترخوان پروګرام د پرانيستې په مراسمو کې د ولسمشر غني خبرې ناسمې تعبير شوې او د افغانستان ۵۵ سلنه خلک د فقر تر کرښه لاندې ژوند کوي.
صديقي: د افغانستان ۹۰ سلنه نه، بلکې ۵۵ سلنه خلک د فقر تر کرښې لاندې ژوند کوي
د صدای افغان خبری آژانس(آوا) , 31 سرطان 1399 ساعت 15:05
د ولسمشر وياند صديق صديقي وايي، د ملي دسترخوان پروګرام د پرانيستې په مراسمو کې د ولسمشر غني خبرې ناسمې تعبير شوې او د افغانستان ۵۵ سلنه خلک د فقر تر کرښه لاندې ژوند کوي.
دا په داسې حال کې ده چې ولسمشر محمد اشرف غني د ملي دسترخوان پروګرام د پرانیستې پر مهال ويلي و، چې د افغانستان ۹۰ سلنه خلک د فقر تر کرښه لاندې ژوند کوي.
صديقي زياته کړه، له ۱۳۹۵ کال راوروسته تر دې مهاله د افغانستان د خلکو د اقتصادي وضعيت په تړاو کومه سروې نه ده شوې.
صديقي دغه راز ويلي، مخکې له دې چې ولسي جرګه د ملي دسترخوان پروګرام رد کړي، بايد په دې تړاو يې پوره معلومات ترلاسه کړي وای.
نوموړي وړاندې وويل، ملي دسترخوان پروګرام له بېوزلو خلکو سره د خوراکي مرستو ترسره کولو په هدف پرانیستل شوی دی.
دا په داسې حال کې ده چې ولسي جرګې نن د رايو په اکثريت د حکومت له لوري د ملي دسترخوان پروګرام رد کړ.
د مطلب کود: 215127