پېښو ته د رسېدو په چارو کې د دولت وزير غلام بهاوالدين جيلاني او د پکتيا والي محمد حليم فدايي د دغه ولايت له زيانمن شويو سيمو ليدنه وکړه.

د ولایت رهبري او مرکز څخه راغلي پلاوي سټوکنډو کې زیانمنونکو ساحو څخه لیدنه وکړه او د شواک ولسوال او مشرانو له لوري ورته مالومات ورکړل شول.

دوی سره نور لوړ پوړي دولتي چارواکي هم مله وو چې بېلابېلو سيمو ته ورغلل.
د پکتیا والي ښاغلي محمد حلیم فدایي پېښو ته د رسیدو په چارو کې د دولت وزیر ښاغلي غلام بهاوالدین جیلاني څخه وغوښتل چې د سروې په موخه یو تخنیکي ټیم راولیږي.
وزير وويل، طبعي پېښو د خطر د مخنيوي په موخه به دوی يو شمېر پروژې پلي کړي.